Aktualitet

Zgjedhjet në Bullgari, partia e muzikantit fiton 24% të votave














Bëni LIKE faqen zyrtare në Facebook
               Publikuar në : 12:09 - 12/07/21 |
mapo.al

Bullgaria nuk ka nxjerrë dot një fitues të qartë nga zgjedhjet e parakohshme të së dielës dhe pritet të ketë sërish vështirësi me qeverinë e re.






Partia e ish-kryeministrit Bojko Borisov për herë të parë pas 12 vitesh humbi statusin e fuqisë kryesore politike duke marrë më pak se çerekun e votave ose rreth 24 për qind dhe pa një mundësi për të qeverisur për herë të katërt.


Pjesëmarrja në votime ishte e ulët, më pak se 39 për qind nga 50 për qind në zgjedhjet e prillit.







“Ne do vazhdojmë të punojmë për atë që besojmë, pavarësisht rolit që na kanë caktuar votuesit. Në fakt, të qenit në opozitë është një mënyrë e ndershme dhe dinjitoze për të mbrojtur parimet e tua“, tha Tomislav Donchev.




Vendin e dytë e zuri partia opozitare e themeluar nga prezantuesi dhe muzikanti Slavi Trifonov, me 10 mijë vota më pak se partia e parë por me mbi 30 për qind të votuar se hedhur nga diaspora.

Lexo edhe :  Gazetari: Të rastësishme tragjeditë shqiptare në Kroaci, Tetovë dhe Bullgari?


Partia Socialiste mori 13 për qind të votave, 1 për qind më pak mori “Bullgaria Demokratike“, rreth 11 për qind “Lëvizja për të Drejta dhe Liri” dhe gati 5 për qind, partia “Çohu! Jashtë kriminelët!“.

6 grupimet politike synojnë 240 vendet e parlamentit.

Bullgaria është anëtare e Bashkimit Europian dhe e NATO-s, por është kritikuar për aksionin e dobët në goditjen e korrupsionit, për standardet e shtetit të së drejtës dhe për lirinë e medieve.

Korrupsioni i lartë në institucione ishte arsyeja pse muajin e kaluar Departamenti amerikan i Thesarit ndëshkoi me sanksione disa zyrtarë, politikanë dhe oligarkë bullgarë, çka u përkthye në avantazh politik nga partitë e opozitës.

1


Etiketa: , ,

CLOSE
CLOSE
Pas