Dekani i Fakultetit të Juridikut, Artan Hoxha informon studentët se mësimi do të nisë sot në një nga gjimnazet e Tiranës.
Kjo pasi një grup studentësh janë ngujuar në universitet dhe nuk lejojnë studentët e tjerë të hyjnë në auditore.
Sipas tij mësimi do të vijojë normalisht, por do të bëhet pasditeve.
Dje dekani i kërkoi ndihmë ministrisë së Arsimit për t’i vënë në dispozicion ambiente të tjera për të rinisur mësimin dhe mesa duket ministria e Arsimit ka gjetur zgjidhje ambientet e gjimnazeve të Tiranës.
Në Fakulteti e Drejtësisë në javët e fundit ka pasur tensione dhe përplasje mes grupeve të studentëve, pasi janë ndarë në ata që duan të vijojë mësimi dhe në ata që duan të vijojë bojkoti.
Etiketa: Fakulteti Juridik, gjimnaz, mesimi, ngujimi, studentet, zgjidhja
