Aktualitet

Zhvillimet e fundit një ditë para seancës, Berisha qëndron në grupin e PD














Bëni LIKE faqen zyrtare në Facebook
               Publikuar në : 17:46 - 09/09/21 |
mapo.al

Vendimin e ka marrë për t’i dhënë opozitës një imazh por edhe qasje të re. Zhvillimet e fundit një ditë para seancës së parë të legjislaturës së re parlamentare siç duket nuk do të prodhojnë surpriza.






Të premten pritet të bjerë edhe “dera e hekurt” që mundëson hyrjen e demokratëve në oborrin e parlamentit, ku në ndryshim nga protestat e dy viteve më parë, hapësira e seancave plenare pritet të shfrytëzohet për propozime konkrete dhe reforma të mëdha.


Siç edhe kishte premtuar, Sali Berisha në pozitat e deputetit më të vjetër të Kuvendit do të jetë në Parlament i rreshtuar në grupin e tij parlamentar.







Shpallja non grata nga Sekretari amerikan i Shtetit, Antony Blinken në 19 maj të këtij viti dhe deklaratat e ambasadores amerikane në Tiranë e cila i kërkoi Bashës përjashtimin e liderit historik të demokratëve, nuk e kanë penguar Berishën të privohet nga e drejta e tij për të qenë në ulëset e Kuvendit.

Lexo edhe :  Basha reagon pas 'Foltores': E trishtueshme sa poshtë ka rënë Sali Berisha



Lulzim Basha ka vendosur të mos mbledhë asnjë organ vendimmarrës në PD, por vetëm të japë orientime për grupin parlamentar.



Ndryshe nga çdo nisje legjislature, diplomatët do të mungojnë në Parlament. Kuvendi i Shqipërisë ka njoftuar se për shkak të kushteve të pandemisë, diplomatëve nuk i është dërguar ftesë për të qenë pjesë e seancës së parë plenare.

Por mungesa fizike në sallë nuk do ta zbehë vëzhgimin e ndërkombëtarëve mbi ecurinë për seancën e parë, ku shkallët e Parlamentit do t’i ngjisin edhe ligjvënës për të cilët ata kanë kërkuar publikisht largimin./ Abc, Juxhin Mustafaraj

1


Etiketa: , , , ,

CLOSE
CLOSE
Pas