Sadio Mane është një nga futbollistët më të përfolur për merkaton e verës. Senegalezi ka shkëlqyer këtë sezon te “The Reds-at” e Liverpul. Tani përflitet si një nga përforcimet e mundshme për Realin e Madritit sezonin e ardhshëm.
Zidane është i vendosur të përforcojë ekipin e tij dhe Mane është i pari në listën e dëshirave të francezit.
Pas një sezoni të dështuar, presidenti Fiorentino Perez i ka lënë dorë të lirë francezit në merkato me objektivin për të kthyer madrilenët kompetitiv në të gjitha frontet.
Pengesa më e madhe për momentin është Jurgen Klopp. Trajneri i Liverpulit nuk dëshiron ta shesë një nga lojtarët e tij më të mirë, por ndonjë ofertë e majme mund t’i bëjë drejtuesit e Liverpulit të ndryshojnë mendje.
Në sezonin aktual Sadio Mane ka realizuar 20 gola në të gjitha kompeticionet.
