Kryesore

Zjarret, ku ndryshon Belinda me Nikon














Bëni LIKE faqen zyrtare në Facebook
               Publikuar në : 18:18 - 01/08/21 |
Mapo.al

Të ishte Belinda Balluku shefe e Mbrojtjes, pra që mbulon emergjencat civile, do ta kishim parë me siguri këto ditë ose majë një helikopteri që hedh ujë e shuan zjarre, ose në terren atje kodrave të zhuritura e të ngërthyera nga flakët, mes heronjsh që luftojnë me këto vatra të çartura.






Efekti në publik do të qe i madh, sepse sakaq tërë mediat do të ishin fokusuar me shumë tek aksioni i ministres, se sa tek ajo se çfarë po ndodh në të vërtetë.


Dhe në opinion, kriza do të ishte vënë në balancë. Zjarri do ta bëjë të veten gjithsesi derisa të ngopet, sa për autoritetet, kafshon i qetë male, çuka e gërxhe, por ama, njerëzit do të besonin se qeveria është në këmbë.







I njëjti skenar si me krizën e dimrit, ku rrugët u bllokuan nga bora, ngricat e tufani, dhe e para e transportit doli mu në zemër të problemit kaluar mbi një borëpastruese, duke bërë thërrime pengesat e motit, suferinën e kallkanin.

Lexo edhe :  Programi qeveritar, Balluku në Kuvend: Shqipëria do bëhet me tre hekurudha


Tani me zjarret, ministër përgjegjës kemi Niko Peleshin. I cili, duhet thënë se ngjan të jetë zhdukur pa nam e nishan. Ndoshta melankolik siç është u këndon me mandolinë gjuhëve të egra të tymit, zhurit e pluhurit. Mundet edhe të jetë duke kordinuar diku situatën. Po e vërteta është se në aspektin e PR, aty ku kjo qeveri qendron, aty ku ka pikën e fortë të gravitetit, ai ka dështuar.



Aq më tepër, kur i nxehti ekstrem s’ka ndërmend të ndalet e mund të ndikojë që zjarret masive të jenë tema kryesore për ditët në vijim.

Për këtë, padyshim se Niko do të marrë qortime të rënda.

Peleshi është i modës së vjetër, nuk di të bëjë shfaqje propagandistike. Një cen i madh ky, nisur nga kostumi rilindas.

Eshtë kjo arsyeja, që Belinda e borëpastrueses besohet se do të vijojë të jetë Ministre me Ramën. Ndërsa Nikoja i kitarës dhe profilit të ulët në publik, do të hapë rrugën, siç ka gjasa, në shtator.

3


Etiketa: , , ,

CLOSE
CLOSE
Pas