Bota

‘Zjarri në Notre Dame’, reagon Macron, Trump: Ndërhyni nga ajri






               Publikuar në : 20:13 - 15/04/19 |
mapo.al

Çfarë pamjesh dramatike nga Parisi. Një nga godinat më të njohura në botë, katedralja ‘Notre Dame’ është përfshirë nga zjarri. Flakët duket se kanë dalë jashtë kontrollit. Kulla e lartë 96 metra ka nisur të shembet e para.


Dyshimet janë se shkak për zjarrin janë bërë punimet për restaurimin me një vlerë 6 milionë euro. Vitin e shkuar, Kisha Katolike në Francë kërkoi me ngulm që të jepen fonde për katedralen, pasi ajo kishte nisur të shembej.

Presidenti i Francës, Emanuel Macron në një postim në Twitter shkruan: ‘Notre Dame de Paris në flakë. Emocioni i një kombi të tërë. Pranë të gjithë katolikëve dhe të gjithë francezëve. Ashtu si të gjithë bashkatdhetarët tanë, unë jam i trishtuar të shoh këtë pjesë tonën duke u djegur’.

Për ngjarjen reagoi edhe presidenti amerikan, Donald Trump. “Çfarë tmerri të shohësh zjarrin masiv në katedralen ‘Notre Dame’ në Paris. Ndoshta duhet ndërhyrë nga ajri për të shuar zjarrin. Veproni shpejt”.

Katedralja është ndër objektet më të vizituara në botë, nga mbi 13 milionë turistë në vit. Godina nisi ndërtimin në vitin 1160 dhe përfundoi në vitin 1260. Ajo është një shembull fin i arkitekturës gotike.


Etiketa: , , , , , ,

KOMENTO (0)

Shkruaj nje koment

Your email address will not be published. Required fields are marked *

* *

CLOSE
CLOSE
Pas