Diego Longo do të vijojë të jetë trajner i Kukësit.
Italiani e ka konfirmuar përmes një statusi në rrjetet sociale, duke pranuar se tashmë fokusi është te puna me ekipin verilindor, konkretisht në duelin e Kupës së Shqipërisë përballë Partizanit.
“Këto ditë shumë gjëra janë thënë dhe janë shkruar. Unë nuk i kam komentuar dhe nuk do t’i komentoj as tani. E njoh situatën unë me presidentin, skuadrën dhe stafin! Ju falënderoj për mesazhet e shumta që më kanë ardhur për besimin dhe vlerësimin. I vlerësoj vërtetë. Nisim nga nesër me mendjen te Kupa dhe Partizani. Forca Kukësi,” shkruan Longo në statusin e tij.
Humbja e fundit në Superligë përballë Teutës lëkundi jo pak pozitat e tij në krye të Kukësit. Pas katër javëve të para, skuadra verilindore gjendet në vendin e tretë me 7 pikë.
