Aktualitet

Zyrtarët e Shtëpisë së Bardhë sëmuren në mënyrë të mistershme, reagon Rusia dhe Kina














Bëni LIKE faqen zyrtare në Facebook
               Publikuar në : 16:14 - 18/05/21 |
mapo.al

Në Shtëpinë e Bardhë, shkruajnë mediat ndërkombëtare, janë raportuar dy incidente misterioze, që kanë shqetësuar zyrtarët e inteligjencës. Sipas mediave, dy zyrtarë të Shtëpisë së Bardhë u sëmurën nga diçka e panjohur, njëri afër portës së kopshtit të Shtëpisë së Bardhë, ndërsa tjetri duke kaluar një portë në anën jugore. Të dyja ngjarjet ndodhën në nëntor dhe përfshinin zyrtarë të këshillit të sigurisë kombëtare.






Ka dhe një impakt psikologjik lidhur me mënyrën se si ky sulm u bë dhe pse u zgjodh ai lokacion specifik. Kjo dërgon mesazhin se “ne mund t’iu afrohemi ju deri në Shtëpinë e Bardhë”, tha Jonathan Ëackroë, ish-agjent i Shërbimit Sekret.


Quhet “Sindroma e Havanës”, pasi në mënyrë të pashpjegueshme simptomat nisën me diplomatët amerikanë në Kubë, rreth 5 vite më parë. Sulme të ngjashme kundër zyrtarëve dhe anëtarëve të inteligjencës së SHBA-së ndodhën në Rusi, Kinë dhe shtete të tjera. Simptomat përfshijnë humbje të dëgjimit, marrje mendsh dhe dhimbje koke.







Një ish-agjent i CIA-s, thotë se është goditur në një hotel në Moskë në 2017. “U zgjova në mes të natës dhe kisha një marrje mendsh të tmerrshme.

Lexo edhe :  Treni del nga shinat në SHBA, vdesin tre persona dhe plagosen dhjetëra të tjerë



Dhoma po më rrotullohej, dhe më vinte të villja. S’kisha përjetuar kurrë diçka të atillë. Kisha zhurma në veshë dhe po më gumëzhinin”, kujton Marc Polymeropoulos. Ai thotë se u diagnostikua me traumë në tru pas sulmit dhe u detyrua të dilte në pension.



Autoritetet federale amerikane kanë hapur një hetim se kush qëndron pas sulmeve me valë sonore. Thuhet se mund të jetë Rusia ose Kina. “Më të mirë në këtë fushë janë rusët. Do të dyshoja se janë rusët dhe se është një operacion i fshehtë i inteligjencës se sa me synimet për të lënduar dikë”, thotë Robert Baer, ish-oficer i CIA-s.

Rusia mohon çdo përgjegjësi, ashtu si Kina apo Kuba. Ekspertët nuk besojnë se presidenti Joe Biden rrezikohet nga ndonjë sulm i tillë brenda Shtëpisë së Bardhë.

1


Etiketa: , ,

CLOSE
CLOSE
Pas