Presidenti i Këshillit Evropian, Charles Michel tha të premten se siguria globale është nën kërcënim nga pushtimi rus i Ukrainës dhe testi i fundit raketor i Koresë së Veriut.
Ai i bëri deklratat e tij gjatë një vizite në Hiroshimën e Japonisë, qyteti i parë që u godit nga një bombë atomike, gjatë Luftës së Dytë Botërore.
Michel tha se qyteti i Hiroshimës është “një kujtesë e fortë e urgjencës” për të forcuar rregullat ndërkombëtare për çarmatimin bërthamor dhe kontrollin e armëve, raporton Reuters.
“Ndërsa flasim, siguria globale është nën kërcënim. Rusia, një shtet i armatosur bërthamor … po sulmon kombin sovran të Ukrainës, ndërsa bën referenca të turpshme dhe të papranueshme për përdorimin e armëve bërthamore,” tha Michel në fjalimin e tij.
