Olimpique Marseille është zyrtarisht në kërkim të një trajneri pasi Rudi Garcia dha dorëheqjen, e cila u pranua nga presidenti Jacques-Henri Eyraud.
“Vendosa të largohet nga Marseille dhe vendimi im u pranua nga presidenti”, tha Garcia në konferencën e tij të fundit për shtyp, tek klubi francez.
Trajneri arriti në tetor të vitit 2016 nga Roma dhe në sezonin e parë arriti të pësojë vetëm 12 humbje në 62 ndeshje, duke shkuar edhe në finalen e Europa League, që e humbën kundër Atletico Madrid, ndërsa këtë sezon numëron 20 humbje në 46 ndeshje.
“L’Equipe” ka bërë me dije se klubi ka krijuar një listë me 7 emra për të marrë drejtimin e skuadrës. Në të përfshihen Andre Villas-Boas, Gabriel Heinze, Jose Mourinho, Leonardo Jardim, Claude Puel dhe Laurent Blanc. Emri i fundit që ka dalë nga gazeta francezë është ai i Rafa Benitez, i cili është kthyer në favorit për të marrë pankinën e Marseille.